[image: IFM 919 Logo (1).jpg]
Bugha ang duha ka mga suspek sa basag-kotse human maaktuhan sa nagrondang pulis og nakig-engkwentro sa kapolisan kagabie.
Base sa imbestigasyon pasado alas-11 sa gabie, una nang naaktuhan sa nagpatrolyang mga pulis sa CMFC nga ginabuak ang salamin sa kotse nakaparada sa Ventilacion Street, Barangay Lagao.
Nakit-an kini sa mga pulis hinungdan nisibat sakay ang getaway vehicle nila.
Natigayon ang ginukdanay hangtud makorner ang mga suspek sa Amado Fenequito Street og gipabuthan ang mga pulis hinungdan natigayon ang mubo nga engkwentro.
Napatay ang duha ka suspek giilang sila Josefino Emperado ug Jan Eric Jaud, na parehong napatay on the spot.
Narekober sa ilang posesyon ang kalibre 45 ug 38 revolver nga armas.
Sa wallet ni Emperado, duha ka sachet sa gidudahang shabu, cash kung asa ang uban dolyar og riyal ang narekober sa SOCO Team.
