[image: IFM 919 Logo (1).jpg]
Dako ang pagtuo sa labaw sa kapolisan sa siyudad nga dunay gikalambigitan nga kagrupo pa ang napatay nga duha ka suspek sa basag-kotse kagabie dihang nakig-engkwentro sa nagpatrolyang pulis.
Matod kay GSCPO City Director Police Senior Superintendent Raul Supiter, nga may mga kagrupo pa ang duha ka suspek nga silang Josefino Emperado ug Jan Eric Jaud, na parehong napatay on the spot.
Dugang pa ni SSupt. Supiter nga gipangita pa sa karon ang mga kaubanan nga suspek sa basag-kotse.
Nasayran nga pipila ka higayon nang nakuhaan og CCTV footage ang gamit nilang sakyanan sa ilang pagpamiktima sa basag-kotse.
Naga-operate usab gihapon ang mga suspek sa probinsya sa South Cotabato base sa mga intelligence report sa kapolisan.
Nagpadayon ang gihimong imbestigasyon sa kapolisan tungod may dakong posibilidad nga nalambigit sab sa pagpayuhot og iligal nga droga ang usa sa mga suspek nga napatay.
May kalambigitan usab kanila ang pipila ka mga kanhing preso nga nahilambigit sa pagpangawat.
