[image: IFM 919 Logo (1).jpg]
GENERAL SANTOS CITY – Sa pagkakaron wala pa nakadawat ug official report kalabutan sa nasinatiang hulaw ang probinsya sa Sarangani.
Gipaklaro ni Rene Punzalan, Provincial DRRMO Action Officer nga verbal lang iyang nasayran nga ang Alabel pa lang ang naapektuhan sa mild El Niño sa Sarangani.
Kasagaran mga humay, mais, saging ug mga gulay ang nadaot matod pa sa kainit sa panahon ning higayona sa munisipyo sa Alabel.
Unang naapektuhan matud pa sa hulaw mao kadtong mga anaa sa upland areas nga gadepende sa ulan hinungdan nga dili makatanum.
Samtang gibutyag sab ni Punzalan nga nagkatigum na ang Provincial Agricultures Office ngadto sa tanang mga counterparts nila sa munisipyo aron hisgutan ang epekto sa hulaw sa mga pananum.
