GENERAL SANTOS CITY- Patay ang duha ka mga sakay og traysikad human malambigit sa vehicular crash batok sa prime mover sa may Barangay Lagao pasado alas 12 ang takna sa tungang gabie (August 20, 2019).
Giila pinaagi sa imbestigasyon sa Traffic Management Unit ang mga nakabsan og kinabuhi nga silang Diosdado Gran Jr. 26 anyos, drayber sa traysikad ug Andy Bon Luyang 16 anyos, pasahero sa traysikad nga parehong residente sa Purok 3, Gemisa Street, Barangay Lagao. Samtang ang drayber nga suspek giilang si Hover Yusop, 37 anyos, residente sa Barangay Lagundi, Kiamba probinsya sa Sarangani.
Pareho nga naglawig sa dalan ang traysikad dunay plaka MA 19358 ug prime mover dunay plaka MWB 327 kung asa gamit sa trak ang inner lane samtang center lane ang traysikad. Mikambyo matod pa ang traysikad sa iyang dalan gikan og center lane paingon og inner lane sa trak. Naigo sa sikad ang ligid sa trak hinungdan sa maong disgrasya ug samaron ang duha nga gidala sa ospital.
Gideklarang dead on arrival sa Dr. Jorge P. Royeca Hospital si Gran samtang dead on arrival sab sa RO Diagan Cooperative Hospital si Luyang.
For more info’s and updates, like and share our official facebook account : www.facebook.com/ifm91.9Gensanofficial/
[image: prime mover ug trisikad nagbangga.jpg]
