General Santos City–Pabor ang City IATF sa nauang resolusyon nga gi-aprubahan sa konseho kung asa gipamub-an ang ipatumang curfew hours sa Gensan sugod Disyembre 15 ngadto na Disyembre 31. Sumala akong Dr. Ryan Aplicador, Deputy Incident Commander sa City IATF nga daan na nilang ginashisgutan ang kabago-uhan sa ipatumang curfew hilabina sa pagsugod sa simbang gabi may resolusyon man ang konseho o wala.
Apan giklaro niya nga dili pa niini mabutyag kung unsa nga mga petsa sa bulan sa Disyembre ipatuman ang suspensyon sa curfew ug kung aduna man. Samtang gibutyag ni Dr. Aplicador nga wala pa nila nahisgutan sa local IATF ang posibleng temporaryong pag-ban sa pagpasulod sa mga locally stranded individual kon LSI sa bulan sa Disyembre o panahon sa holiday season.
Takda matud pa kining i-presenta subli sa sunod nga meeting sa local IATF. ang mga nahisgutan lang matud pa mao ang adjustment sa curfew ingon man ang posibleng pagtanggal sa sunday no movement sa bulan sa Disyembre.
Dugang pamahayag ni Dr. Aplicador nga sa hisgutanang ‘Sunday No Movement’, nauyunan matud pa sa local IATF nga kini tanggalon na sa bulan sa Disyembre.
Nakatakda matud pa kini nga i-discuss ngadto kang Gensan City Mayor Ronnel Rivera. Apan sa karon, wala pay gipagawas nga pinal nga desisyon sa nasabutan atol sa gihimong meeting milbayng adlaw nga martes.(LVR)
