[image: IFM 919 Logo (1).jpg]
Patay ang usa ka Jerick Barrido, 38, minyo, residente sa Carcon Village Lagao human kining gipusil takna alas-9 gabie adlawng Myerkules sa Lagao Jollibee Lagao Branch, National Highway, J.Catolico Ave.
Base sa imbestigasyon sa Lagao Police Station duha ka riding in tandem suspek nga lalaki responsable sa krimen samtang naghulat og pasahero ang biktima.
Nagtabi pa si Barrido sa iyang igsuon og kauban nga drayber dihang nikalit og abot ang mga suspek gikan sa likod sa biktima dayon nibunlot og pusil ug sagunson gipusil ang biktima.
Nakaangkon og daghang samad sa lawas og ulo ang biktima nga gilayong gidala sa Socsargen County Hospital apan gideklara na kining patay.
Sa crime scene nga girespondehan sa SOCO Team upat ka mga empty shells sa .45 caliber pistol ang narekober.
Base sa lola sa biktima nagkanayon kini sa kapolisan nga dating drug surrenderee sa Koronadal City ang biktima.
Under investigation karon sa Lagao PNP ang maong kaso.
