GENERAL SANTOS CITY- Nagtago-tago na karon ang purok chairman sa Sitio Abual, Barangay Upper Suyan, Malapatan, Sarangani Province human gi-hunting sa rebeldeng NPA.
Gibutyag ni Malapatan Municipal Mayor Jun Sumbo, mipalayo sa maong lugar ang purok chairman alang sa seguridad sa kaugalingon.
Kini tungod ginaadtoan siya sa mga myembro sa rebeldeng NPA nga gaagian sa maong lugar sa Mapalatan tabok sa pikas probinsya sa Davao Occidental.
Nasayran nga gipaberipika sa local chief executive ang insidente og nasuta nga wala gisunog sa mga rebelde ang gipuy-an sa purok chairman.
Nakapusil matod pa ang purok chairman og myembro sa rebelde tungod na sab sa iyang kapungot nga siya ginaadtoan sa mga rebelde.
Mihangyo na si Mayor Sumbo ngadto sa Alpha Company sa 73rd Infantry Battalion alang sa seguridad sa mga residente sa maong lugar.
For more info’s and updates, like and share our official facebook account : www.facebook.com/ifm91.9Gensanofficial/
[image: sarangani prov.jpg]
