GENERAL SANTOS CITY- Patay ang mag-amahan lakip ang laing pasahero sa motorsiklo samtang naangol sa ospital ang manghod nga babaye human mahagbong sa pangpang ang gisakyang motorsiklo sa Datal Salvan Bridge, Barangay San Jose gahapon Dominggo alas-2 ang takna sa hapon.
Giila sa Traffic Management Unit ang mag-amahan nga nakabsan nga silang Joseph Salawa, 52 anyos, residente sa Sitio Blala sa maong barangay ingon man anak niini nga si Andrian, 11 anyos ug patay sab ang laing pasahero nga kauban nga si Min Tingaw Flang, 59 anyos.
Samaron og anaa sa ospital nagpaalim ang babayeng anak nga singko anyos naila sa pangalang Vanis human makaangkon og head injury.
Nasuta sa imbestigasyon sa TMU nga naglawig sa Datal Salvan gikan og Datal Cry ang mga biktima sakay og motorsiklo paingon og Barangay Hall.
Nawad-an og pagkontrola sa manebela ang drayber nga amahan sa kurbadang dalan hinungdan nga nahagbong sa pangpang paingon sa tulay.
Gidala sa ospital ang mga biktima apan gideklarang dead on arrival ang mga lalaking sakay sa motorsiklo.
Gidala na sa punerarya ang patayng lawas sa mga nakabsan og kinabuhi.
For more info’s and updates, like and share our official facebook account : www.facebook.com/ifm91.9Gensanofficial/
[image: bata kritikal.jpg]
