Davao City- Taliwala sa personal na baruganan ni Davao City Mayor Inday Sara Duterte-Carpio sa mga aktwasyon sa New People’s Army, buot sa mayor nga ipursige ang ‘localized peacetalks’ dinhi sa dakbayan sa Davao bisan pa man magpadayon o dili ang peace talks sa gobyerno ug sa CPP NPA NDFP sa the Netherlands.
Atol sa press briefing sa Davao investment conference gibutyag ni Duterte nga human sa Kadayawan Festival, plano niya nga pandayon ang usa ka executive order kalabot sa lokal nga hisgutanang pangkalinaw.
Usa sa tumong niining ‘localized peacetalks’ mao ang pagtunol og livelihood sa mga rebelde aron mahibalik sila sa komunidad.
Optimistic usab ang mayora nga makigkooperar kaniya ang rebeldeng pundok.
Sa speech sab ni Duterte atol sa Davao Investment Conference, nagpadayon ang gipatuman heightened security sa dakbayan aron sa pagseguro nga luwas ang business sector ug mga investors nga magtukod sa ilang negosyo sa syudad.
Kasamang Aimee Guinita
tags: Mindanao, Davao City, DXDC, DXDC 621, Davao City Mayor Inday Sara Duterte-Carpio, Peacetalks, NPA
