Roxas City, Capiz – Nagapabilin nga asympthomatic kag na-admit na sa ospital si WV Patient Number 704 antes pa man nga nagguha ang resulta kahapon nga adlaw, Hulyo 17, 2020.
Suno sa official statement sang Capiz Provincial Health Office, may yara sang history of travel ang amo nga persona halin sa Cavite kag Metro Manila kun sa diin ini ang nag-abot sa Roxas City sang Hunyo 26 via Starlight Ferry nga nagdungka sa Caticlan Port halin sa Batangas Port antes nga gindala sa Temporary Treatment and Monitoring Facility sa banwa sang Jamindan.
Sang Hunyo 29, nakabatyag ini sang pag-askad sang tutonlan(sore throat) kag sip-on(cold) kun sa diin ini naman ang gilayon nga gindala sang MDRRMO sang Jamindan sa RMPH.
Hulyo 1, ang nasambitan nga pasyente ang ginkuhaan sang specimen para sa RT-PCR Test nga ginpadala sa Western Visayas Medical Center kag ini ang nangin positibo base sa ginpaguha nga resulta kahapon nga adlaw Hulyo 17, 2020.
Sa subong padayon nga na-admit sa Roxas Memorial Provincial Hospital ang amu nga persona.
