Patay ang isa ka persona matapos nga ginlabo sang iya man sini nga utod, samtang isa pa ka utod man sini ang pilason sa Brgy. Lamfugon, Lake Sebu, South Cotabato pasado alas 10:30 sang gab-i.
Ginkilala ang biktima nga ginbawian sang kabuhi kay Ronald Sulan Salaway, 34-anyos nga nakaangkon sang labo sa mga nagkalain-lain nga parte sang iya nga lawas. Gindala pa ang biktima sa Lake Sebu Municipal Police Station, apang gindeklarar ini nga wala na sang kabuhi.
Padayon naman nga ginabulong sa ospital sa banwa sang Surallah ang isa pa ka utod sang suspek nga ginkilala naman kay Tuyong Sulan Salaway, 45-anyos, may-asawa nga residente sang nasambit nga lugar.
Ang suspetsado ang ginkilala naman kay Eric Sulan Salaway, 37-anyos, may –asawa, mamumugon kag residente man sang nasambit nga lugar nga gilayon nga nagpalagyo matapos makomitir ang krimen.
Gamit suno pa sang suspek sa paglabo sa mga utod sini ang isa ka binangon.
Sa imbestigasyon sang Lake Sebu PNP bag-o pa man nagluntad ang insidente nag-inom-inom ang tatlo ka mag-utod kag sang nahubog na may-yara sang nagluntad nga mainit nga pagbinaisay sa tunga sang mga ini nga nangin tunaan sang insidente.
