Davao City – Obserbahan ug tun-an usa sa pagkakaron sa mga doktor ang mga kaso sa coronavirus disease 2019 (COVID-19) sa Davao Region una i-rekomenda ang pagbakwi sa lockdown.
Matud ni Deparment of Health (DOH-XI) Asst. Regional Director Dra. Lenny Joy Rivera, dili gilayon ablihan ang points of entries sa rehiyon taliwala sa mga nakitang pagkunhod sa mga kaso o mga natalang zero new cases sa COVID-19 sa rehiyon.
“May mga days na tayo na zero po iyong new cases natin pero we cannot say na mali-lift na kaagad iyong community quarantine. Pag-aaralan muna natin sa ngayon kung magpapatuloy pa po itong zero case po on the succeeding days,” segun ni Rivera.
Giklaro ni Rivera, ang komunidad mao gayud ang frontliners ug dili lang ang mga health workers aron mabatukan ang coronavirus disease (COVID-19).
Samtang gipasabot usab ni SPMC chief-of-hospital Dr. Leopoldo Vega, kinahanglang hinay-hinay ang pagbakwi sa lockdown sa higayong matuman ang mga kondisyon sa quarantine, gamay nalang ang admission, wala nay matalang positibo ug mas daghan ang mga ihap sa nakarekober gikan sa maong makamatay’ng balatian.
RadyoMaN Aimee Guinita
