Davao City – Gi-lift na ang lockdown sa Purok 8, Block 69, sa Brgy.21-C ni Dra. Josephine Villafuerte, head sa City Health Office (CHO).
Kini maoy giluwatang pamahayag ni Brgy.Captain Edmundo Altizo Sr.human nahinabi sa DXDC RMN Davao.
Matud ni Kapitan Altizo nga gi-abrihan na ang maong purok nga gilockdown tungod kay negatibo sa COVID-19 ang dul-an 200 ka pamilya human gipailawom og swab test.
Gipaabot ni Kapitan Altizo ngadto sa tanan katawhan sa iyang barangay nga bisan giwala na ang lockdown kanunayon ang pagsuot og face mask, pagtuman sa social distancing, manghugas og kamot aron malikayan ang COVID-19 pandemic.
“Mao gyod na akong gihangyo pag-adto nako, Gi-announce gyod nako ug maayo sa ilaha nga ing-ana ang pagahimuon, distancing ta, naa tay mask ug manghugas gyod ta sa atong mga kamot.” saysay sa kapitan.
RadyoMan Don Pulayao
