Tampakan, South Cotabato–Gitanggal na ang gipatumang lockdown sa mokabat upat ka mga purok sa Barangay Lambayong, Tampakan, South Cotabato human nga napa-ilalom na sa rapid ug RT-PCR test ang 24 katao nga may direct contact sa pulis gikan Malalag, Davao Del Sur nga naunang nagpositbo sa covid-19.
Sumala kang Tampakan Mayor Jun-Jun Escobillo nga parehong negatibo ang resulta sa maong mga test gikan sa pamilya sa nahisgutang pulis ingon man sa mga naka-uban niini sa inom.
Samtang ang mga nakahimamat niini sa Koronadal, ang napa-ilalom na usab sa Rapid Test subay sa pamahayag sa LGU Koronadal.
Dugang pamahayag ni Mayor Escobillo nga sa karon balik na sa zero covid-19 case ang Tampakan human maka-rekober ang usa ka mabdos nga nagpositibo nga usa ka LSI.
Apan giklaro niya nga dili gihapon angayan nga mag-kumpyansa hilabina nga padayon pa nga may nagasulod nga mga LSI ug ROF sa ilahang lungsod.(LVR)
