Davao City – Narekober sa kapolisan ang kinawat nga log machine kun larasan nga gikawat gikan pa sa Anislagan Maco ComVal Province sa usa suspek nga si Daniel Adura Pusta Jr. alyas ‘Atung’ niaging adlaw.
Nagpakitabang ang complainant nga si Merabel Sahid Mercado, tag-iya sa mao nga larasan, kay matud niini dunay nakasumbong kaniya nga ang iyang log machine atua na gibaligya sa usa ka junk shop nga anaa nahimutang sa may Tirol Street Brgy. New Loon, Tugbok District ning siyudad diin kini iyang gi-kompirma nga iya.
Matud pa sa tag-iya sa mao nga junk shop nga si Edwin Dura Lisores, iya ra usab napalit ang maong log machine nga mokantidad og 170,000 ka pesos ug wla siyay kasayuran nga kadtong butanga usa diay ka kinawat.
Hinoon misaad ang tigdumala sa mao nga junk shop nga iyang iuli ang maong log machine sa matood nga tag-iya ug mangita siya og truck aron direkta mente niyang iuli ngadto sa Maco ComVal Provice.
RadyoMaN Paul Canono
