Nagsimula na noong Sabado ng gabi ang pinahabang oras na curfew sa bayan ng Pateros.
Ito’y matapos lagdaan ni Pateros Mayor Ike Ponce ang Executive Order no. 7 series of 2021 na nag-uutos na simula alas-10:00 ng gabi hanggang alas-5:00 ng umaga ang bagong curfew hour sa nasabing bayan.
Aniya, ito ay tatagal hanggang sa katapusan ng Marso.
Kasabay nito, simula alas-10:00 ng gabi ay bawal na rin ang pag-inom at pagbebenta ng mga alcoholic drinks sa bayan sa buong araw hanggang katapusan ng Marso.
Bago nito, alas-12:00 hanggang alas-3:00 ng madaling araw ang sinusunod na curfew hour ng Pateros.
Sinabi rin ng alkade na plano na rin niyang pansamantalang ipagbabawal ang pag-e-exercise at jogging sa Garden of Memories at sa iba pang lugar para maiwasan ang pagkalat ng ng naturang sakit.
