Dipolog City-Kagahapong adlawa gisugdan na ang pagpangampanya sa mga lokal nga kandidato dinhi sa probinsya sa Zamboanga del norte. Gikan sa mga magpapili pagka kongresista, gobernador , mayor ug mga board member.
Ang uban nga mga kandidato sa wala pa magsugod ang ilang pag pangampanya, misulod una kini sila sa simbahan para sa usa ka misa aron matod pa mangayo ug panalangin ngadto sa labawng makagagahum.
Ang grupo sa Hugpong nang Pagbabago kun NPH naghimo kini sila ug motorcada dinhi sa sentrong bahin sa dakbayan sa dipolog naglibot-libot sa tibuok syudad uban sa ilang mga taga suporta.
Samtang karong adlawa ang grupo sa PDP laban ang maghimo na usab ug motorcade dinhi sa syudad sa dipolog uban sa ilang tibuok bando.
Gibutyag sab sa taga COMELEC nga hapsay ug malinawon ang unang adlaw sa kampanya sa mga lokal nga kandidato tungod kay walay natala ang ilang buhatan ug mga untowards incident atol sa kampanya.
Ang lokal nga kampanya matapos kini karong mayo 11, 2019 nga kung diin gitagaan sila ug 45 diyas aron mo paila ngadto sa bagang duot sa katawhan.
