Mga illegal settlers sa coastal barangay sang syudad, baybay ang ginahimo nga comfort room suno sa CENRO

Baybay ang ginagamit nga comfort room sang mga illegal settlers sa coastal barangay sa syudad sang Iloilo suno sa City Environment and Natural Resources Office okon CENRO.

Ginpahayag ni Engr. Hernan Escoto sang CENRO wala sang comfort room ang halos tanan nga naga-squat sa mga coastal barangay rason nga kon maglabay ka sa lugar may Makita ka nga nagalutaw nga higko sang tawo kag kon indi gani nagapanimaho.

Dugang pa sini nga kalabanan sa mga illegal settlers ang naghalin sa iban nga lugar kasubong sang probinsiya sang Romblon kag Masbate.


Bangud sini nagapangita sang paagi ang syudad nga magbutang sang mga proyekto kag mga aktibidad para nga masulosyunan ang problema sa paglapta sang higko sa palibot.

Nagapadayun man subong suno kay Engr. Escoto ang coastal resources rehabilitation sang city government para ma-sulosyunan ang problema sang kahigko sa nasambit nga mga lugar.

Facebook Comments