Kalibo, Aklan – Kapin sa P 70, 000 nga hayga it kwarta ag alahas rong nabuoe sa sangka 75-anyos nga lola matapos mabiktima it budol-budol ko Sabado sa Gaisano Mall Kalibo.
Base sa panaysayon it lola sa Kalibo PNP nga una sanda sa Gaisano kibahan ro anang apo tag ginpaeapitan imaw ko mga suspek nga 2 ka eaeaki ag 3 ka babaye kung sa siin nagpakuno-kuno ra nga gina usoy nanda ro unga it lola nga si “Lucille”.
Pagkatapos hay ginsampit imaw sa guwa it mall sa saeakyan ko mga suspek ag nag istorya kung sa siin ko ulihi hay nakumbinsi nanda ro lola nga itao kanda ro anang sang pares nga gold nga aritos, 3 ka mga gold nga singsing, 1 nga kulintas ag P 9,000.00 nga cash ag gintaw-an imaw it sangka bag nga ginasugid puno it kwarta.
Ginkakibot it lola tag ginbukad rong bag pag-abot sa anda bangud nga mga binalilin nga papel, bato ag yabe rong sueod ag bukon it kwarta.
Insigida nana raya nga gin report sa Kalibo PNP ag sa makaron hay under follow up eon raya it Theft and Robbery section kung Kalibo PNP.
