Suspek sa pagbaril sa Camanci Batan, nakataeana nga pagapasakaan it kasong murder makaron nga adlaw

13

Kalibo, Aklan — Nakataeana nga pagapasakaan it kasong murder makaron nga adlaw si Raul Nicolas rong suspek sa pagbaril-patay kay Antonio Balagasay, 64-anyos it Sitio Baliuagan, Brgy. Camanci, Batan ko nagtaliwan nga adlaw it Biyernes it hapon.
Matandaan nga dead on the spot gid rong biktima nga si Balagasay matapos nga tambangan it suspek samtang naga sakay it motorsiklo paadto sa banwa it Altavas para kunta magbakae it bueong para sa anang apo ag mag sag-ob it tubi.
Matapos rong insidente hay uwa eagi madakpi rong suspek bangod nga nagpanago raya ag madueom rong lugar tag mag responde rong mga kapulisan.
Pagka aga, Sabado it agahon hay nagsurreder daya sa Batan PNP pero arrested gihapon ro anang status bangud nga ginpaidaeom raya sa manhunt operation.
Ginapanan-aw nga motibo sa nasambit nga krimen hay rong parte sa andang problema sa eogta. Suno kay Mrs. Sylvia Balagasay asawa it biktima nga ko dag-on 2013-2014 hay gin ayos nanda ro andang eogta bangud nga nagkurae rong pamilya it suspek pero medyo nag eapaw ag bangud kara hay nag abot sa korte rong reklamo ag makaron nga 2019 hay nahadesisyonan raya ag nagpabor sa pamilya it Balagasay.
Ko Sabado hay nag abot ro surveyor ag ginsurvey ro andang eogta ag ginpangbutangan it mohon ag ro una ngato nga gin eaknab ko suspek hay ginbalik sa pamilya it biktima.
Nagkurae ro pamilya Balagasay pero nagtao man sanda it right of way ag gina isip nanda nga basi indi mabaton it suspek ro desisyon pero nagsugot man raya ko una.

Facebook Comments

From Advertisers