Davao City – Nakabsan sa kinabuhi ang usa ka lola human sa duha ka adlaw pagpatambal sa Southern Philippines Medical Center (SPMC).
Pasado alas-7:00 sa gabii dihang mi-anunsiyo ang doktor nga patay na ang lola nga nailang si Marina De Jesus, 70 anyos, ug nagpuyo sa Purok Pine Tree, Buhangin ning siyudad.
Ang maong lola daling gidala sa SPMC human nabanggaan og bisikleta nga gidrayban sa usa ka 8-anyos nga bata samtang nagbaktas kini sa susamang lugar.
Ug gumikan sa impak sa pagkabangga natumba matud pa nag tiguwang ug maayo pagkabunal sa iyang ulo sa semento sa dalan.
Nasayran nga ang bike nga gigamit sa bata iya kadto inabangan kang Maria Cecilia Caharian.
Natala na ang maong aksidente sa Buhangin PNP apan lantawon pa sa kapulisan kung kinsa ang manubag sa aksidente ang tag-iya ba sa bike o ang minor.
RadyoMaN Joel Viray
