General Santos City—Patay ang usa ka Lola human nga nahulog sa pangpang sa may Sitio Biala, Barangay San Jose, Gensan niadtong nakalabayng adlaw.
Giila ang biktima nga si BIA Dulay, 67 anyos, residenti sa Purok Biala, Barangay san Jose, Gensan.
Sa inisyal nga imbistigasyon sa Police Station 7 nasuta nga Alas 3:30 ang takna sa hapon samtang nagbaktas matud pa ang biktima didto sa ilang lugar nadakin-as kini ug nahulog sa pangpang.
Nakaangkon ug daghang samad sa lawas ang nasangpit nga hinungdan sa iyang kamatayon.
Subay sa pahayag sa mga kabanay sa biktima nga halap na ang panan-aw niini ug posibling wala niya nabantayan nga siya nakaabot sa pangpang mao nga siya nahagbong.
Facebook Comments
