General Santos—patay nang nakaplagan ang usa ka lola sulod sa ilang panimalay sa may Barangay Mabuhay, General Santos City.
Ang biktima nailhang si Maria Dulce Fernandez, 66, balo, residenti sa Block 3, Barangay Mabuhay.
Alas 5:00 ang takna sa hapon dihang nakaplagan nalang sa iyang mga silingan ang biktima sulod sa ilang panimalay nga wala nay kinabuhi.
Saysay ni Joy Barcelon, silingan sa biktima nga sila natingala nganong wala migawas sa iyang balay maong adlaw ang nahisgutan.
Tungod niini ilang gisuta ug ila nalang nakit-an nga wala na kini kinabuhi. Gikumperma sa mga silingan nga walay kauban sa iyang balay ang nahisgutan ug posibling giatake kini sa iyang balatian nga high per tension.
Sa inisyal nga imbistigasyon sa kapulisan nga sakop sa San Isidro Police Station walay nakit-ang foul play sa kamatayon sa biktima .
samtang wala na usab nagpatawag pa ang mga kabanay sa biktima ug mga personahe sa Scene of The Crime Operatives (SOCO) gumikan sila kumbinsido nga natural death ang hinungdan sa kamatayon sa biktima.
