Lola nasapwan patay sa ila balay sa Himamaylan

870

HIMAMAYLAN CITY – Yara na sa advanced state of decomposition ang isa ka 57 anyos nga maestra matapos ini siya nga nasapwan patay sa sulod sang iya nga balay sa syudad sang Himamaylan.

Ang biktima ang ginkilala kay Sharon Fejidero, residente sang Barangay 2 sa nasambit nga syudad nga ginapatihan apat na ka adlaw nga napatay.

Suno sa panaysayon sang pakaisa sang biktima nasapwan ang bangkay sang iya kaingod nga si Aurelio pasado ala una kaina sang kaagahon matapos nga pila na ka adlaw nga indi makontak ang biktima.

Nahibaluan nga nagaisahanon lamang ang biktima naga-estar sa ila nga balay malapit sa patyo kag posible ginsulod ini sang wala makilala nga mga suspetsado kag ginpatay.

Nagpatigayon na sang imbestigasyon ang Scene of the Crime Operatives ukon SOCO, agud hibaluon kon ano ang gintunaan sang iya kamatayon.

Facebook Comments