Kawasan Falls sirhan, canyoneering sa Badian hunungon sa Byernes Santo

149

Agig pagbalaan sa Biyernes Santo , Abril 19 temporaryo nga hunungon ug usa ka adlaw ang canyoneering adventure ug sirhan ang Kawasan Falls gikan sa publiko sa maong adlaw.

Ang chairman sa tourism committee sa konseho nga si Konsehal Mark Andrew Jorolan nipasabot nga ang paghunong sa maong duha ka mga kalihukan sa Badian gilatid gyud sa ilang lokal nga ordinansa .


Matud ni Jorolan gipahibawo na nila kini sa mga tour operators sa niaging semana pa lang aron di mahinayak sa pagda sa ilang mga turista sa maong lugar .

Hinoon mopadayon ra usab ang operasyon sa Kawasan Falls ingon man ang canyoneering sa lungsod sa Sabado de Gloria Abril 20 .

Facebook Comments

From Advertisers