CAUAYAN CITY – ARESTADO ANG ISANG LOLO MATAPOS MAGPAPUTOK NG BARIL MALAPIT SA BUROL SA BRGY. GAPPAL, CAUAYAN CITY, ISABELA.
KINILALA ANG SUSPEK BILANG ALYAS “LANDO” NA RESIDENTE RIN NG NASABING LUGAR.
SA NAKUHANG IMPORMASYON NG IFM NEWS TEAM SA CAUAYAN CITY POLICE STATION, HABANG NASA BUROL SINA ALYAS “ROBIRTH” AT ALYAS “MANNY”, NAKARINIG SILA NG MALAKAS NA PUTOK.
AGAD SILANG NAG-USISA AT KANILANG NAKITA ANG SUSPEK NA MAY HAWAK NA IMPROVISED SHOTGUN.
AGAD SILANG HUMINGI NG TULONG SA MGA NAKA-DUTY NA BARANGAY TANOD NA SIYA NAMANG NAGSUMBONG SA ISTASYON NG PULISYA UPANG HUMINGI NG TULONG.
RUMESPONDE KAAGAD ANG MGA PULIS AT NAGTUNGO SA LUGAR NG INSIDENTE.
NAKUMPISKA MULA SA SUSPEK ANG ISANG IMPROVISED SHOTGUN NA WALANG SERIAL NUMBER, ISANG BAG, DRIVER’S LICENSE, ISANG SMARTPHONE, AT ISANG KEYPAD PHONE.
MATAPOS ANG ISINAGAWANG IMBENTARYO, DINALA ANG SUSPEK SA CAUAYAN CITY POLICE STATION PARA SA KARAGDAGANG IMPORMASYON.
SAMANTALA, MAHAHARAP ANG SUSPEK SA KASONG PAGLABAG SA RA 10591 O ILLEGAL POSSESSION OF FOREARMS.
