Davao City – Dead on arrival sa Southern Philippines Medical Center (SPMC) ang usa ka lolo kinsa gipusil sa wala mailhing armado nga nahitabo sa Brgy. Aliwagwag, Cateel, Davao Oriental.
Sa dalan pa lang nakabsan na sa kinabuhi ang biktima nga giilang si Emmanuel Ebrano, 60-anyos, minyo, ug nagpuyo sa nasangpit nga barangay.
Subay sa record sa Traumatic Center sa SPMC, paingon na unta ang biktima sa iyang uma apan pag-abot sa Sitio Mahubog kalit lang gipusil ang biktima pasado ala-1:00 sa kahaponon.
Human sa hitabo paspas nakasibat ang suspek busa nakalugar ang mga kabanay sa pagsapupo sa biktima paingon sa SPMC apan way swerte sa pagbiyahe pa lang mitaliwan na ang maong lolo.
RadyoMaN Joel Viray
Facebook Comments
