Dali nga miresponde ang kapulisan sa Polanco human nakadawat ug taho mahitungod sa pagpanigbas didto sa purok orchids, brgy. Macleodes, sakop sa maong lungsod niadtong nakalabayng adlaw.
Naila ang biktima nga si Napoleon Habaya Ombalino, 79 anyos, residente sa nahisgutan nga dapit.
Sa gihimong imbistigasyon sa kapulisan sa maong lungsod naila ang suspek nga si Job Habaya Insag, hingkod ang pangidaron, nagpuyo sa susamang dapit.
Nasayran mga alas 9:45 sa buntag samtang ang biktima ug ang suspek uban sa iyang inahan nga si Teofila Insag y Habaya nga adunay deperensya sa panghuna-huna ug ang duha nagkaon kini sila ug pamahaw.
Wala madugay kalit lang ang suspetsado ug iyang inahan nagkalalis kini unya samtang naglalis ang duruha naigo sa biktima ang inahan sa suspek sa usa ka stick nga mao na hinuon ang hinungdan sa pagpanigbas sa suspek ngadto sa biktima.
Dali usab nga miikyas ang suspek human sa panghitabo. Wala madugay nasikop kini sa usa ka opisyal sa brgy. sa maong barangay.
Ang suspek pormal na nga gipasakaan ug kaso may kalabutan sa salaod nga iyang nabuhat.
