Kalibo, Aklan – Uwa eon it kabuhi tag makit-an ro sangka lolo kaina it mga ala una rong hapon sa Sitio Tipao, Brgy. Linabuan Norte, Kalibo, Aklan.
Ro biktima nakilaea kay Ferdinand “Ferning” Trinidad Jr., 83-anyos ag residente it Tomas Ricarto Road sa nasambit nga barangay.
Suno kay Punong Barangay Nelson Repiedad nga may nagreport sa anang opisina nga may nakitang patay sa lugar ag insigida gin verify ag nagtawag it pulis.
Pag-abot it mga kapulisan nakita ro bangkay nga nagakaya, medyo nagatanga ag naga buea.
Una nga nakita raya it sangka naga saka it niyog sa lugar.
Nasayuran nga mga alas 7:00 kainang agahon ulihing nakita nga buhi ag naga tikang tikang rong biktima.
Sa makaron hay padayon pa rong imbestigasyon it mga kapulisan kung ano gid rong ginkamatay it nasambit nga lolo.
