General Santos City—Balhog na sa Selda sa Police Station 3 ang usa ka senior Citizen nga nailang si Melchor Pelaez, 67 anyos nga taga Calandagan, Tacurong City kansa una nang nasikop gumikan sa kasong statutory Rape nga iyang gi-atubang dinhi sa Gensan.
Alas 5:15 sa hapon dihang mibyahe padulong sa Tacurong City ang tropa sa Police Station 3 bitbit ang warrant of arrest sa kaso sa suspek nga una nang gipagula sa RTC Branch 22-Gensan pinitsahan ug January 13, 2020.
Ayha gidakop ang suspek, nakig-alayon ang Police Station 3 sa Tacurong PNP ug sa CIDG-12 aron ipahibalo ang ilang operasyon.
Nasikop ang suspek didto mismo sa iyang panimalay sa Calandagan, Tacurong. Wala na nuon mipalag ang nasangpit atol sa pagsikop kaniya human nga gipresentar kaniya ang warrant of arrest sa kasong iyang giatubang.
Sa karon commitment order nalang ang gipaabot aron nga mabalhin na kini sa Gensan City Reformatory Center.
