General Santos City–Mag depende sa pag implementa sa balaud ang pag sulbad sa problema sa trasportasyon sa syudad mao kini ang nahimong pamahayag ni Gensan City Councilor Richard Atindedo.
Sumala pa niini nga wala na sa kamot sa chairman sa komitiba sa trasportasyon sa pagpanguna ni City Councilor Jeng Gacal ang pag han-ay sa trapiko sa syudad tungod kay aduna nay mga balaud nga namugna alang niini ug gikinhanglan nalang nga maimplementar sa Local Chief Executive.
Gikinahanglan lang matud pa ug political will sa mayor aron nga mapatuman kini gawas nalang kung bag-ohon matud pa o amyendahan ni kagawad Gacal ang kasamtangan namugna nga balaod sa syudad alang sa trasportasyon.
Apan ug kini matud pa ang mahitabo musamot ug kadugay ang pagsulbad sa nasangpit nga problema tungod kay mubalik na sab kini sa pinakaunang ang-ang sa pag ug balaudnon.
Samtang alang usab kang City Councilor Odjok Acharon nga gikinahanglan gayud ug long term nga sulosyon ang problema sa transportasyon sa syudad aron nga mahan-ay kini.
Sumala pa niini nga masaligon kini nga adunay mabuhat nga kabag-ohan si Councilor Gacal sa maong problema apan mas maayo matud pa kung long term solution ang himuon ni kagawad Gacal.
Aminado man usab kini nga dili gayud igo ang 3 ka tuig nga paglingkod isip konsehal sa syudad aron nga makamugna ug sulosyon sa nagkagrabi nga problema sa transportasyon.
Dugang pa ni kagawad Acharon nga dili lang dapat sa mga drivers sa pang publiko nga sakyanan makig-alayon ang syudad sanglit apil na sa mga pribado tungod kay nakita matud pa niini nga bisan unsaon ug himo ug sulosyon sa goberno kung walay disiplina ang mga drivers mag lisud sila ug sulbad niini.(Dave Silagan)
