Kini ang gibutyag ni Davao City Water District (DCWD) Spokesperson Johanna Dugaylungsod sa interbyo sa DXDC RMN DAVAO kaniya pinaagi sa telepono.
Matud ni Duhaylungsod, hayan mabalik ang agas sa tubig gikan sa Panacan, Buhangin, Maa, ug hangtod sa portion sa dalang Quirino, sa alas 6:00 sa buntag, kung maapas sa ilang maintenance team ang pag-ayo sa daot nga pipeline sa Panorama, Buhangin nga nagkonekta sa Water Supply System 2 sa Bypass road Maa, syudad sa Davao.
Gisulti ni Duhaylungsod, adunay daot ang pipeline sa Panorama, hinungdan wala na nagpaa-bot ang ilang Maintenance team nga mu-grabe ang deperensiya ug gilayon ila kining gi-ayo, aron sa ingon malikayan ang mas taas nga oras nga walay tubig.
Sigun ni Duhaylungsod, dili mu-ubos sa 60 mil ka konsumante sa mga apektadong lugar, ang nawad-an og supply sa tubig karon, gawas lang sa mga low lying areas nga aduna pay hinay nga agas sa ilang mga gripo.
Alayon niini, gipasalig sa DCWD nga dunay bastanteng agas sa tubig, ang mga Dabawenyos atol sa long weekend gikan Oktubre 30 hangtod Nobyembre 1-2, 2023, gawas lang kung adunay mga emerhensiyang pag-ayo o repair nga matigayon.
RadyoMaN Joel Viray
