Laing kaso na isab sa pagkamatay samtang nanganak an isa ka inahan sa isa ka layaki na bata kahapon na adlaw Domingo ,Oktobre29,2017 sa may Caraga Regional Hospital.Sa eklusibo na sumbong sa live in partner nan biktima sa RMN DXRS na si James Cresante na namatay an ija pares samtang nanganak ini sa Caraga Hospital human girefer sila gikan sa San Juan District Center tungod kay suhi an bata na tagkabdos sa ija misis na isa ka 23 anyos na si Emelune Taasan sanan an ija bag o pa nahimugso na bata na layaki. Tagkadismaya sa bana an waya dajon pag caesarian rakan lamang unta sa ija asawa kon ini naglisod man . Tagkatingaya sab nija uno namatay sab an ija anak na layaki sa did on na ini taghimugso. Sa pagkuha nan pasiunang follow up sa RMN sa kadumayahan nan Caraga Hospital ini namahayag pinaagi sa ila PIO na an gikamatyan sa inahan na si Emelune amo an pagbleeding o hemorrhage sanan an pagkamatay sa bata tungod sa rason na Anencephaly o isa ka dis-order sa mga bag-ong nahimugso na bata na waya madevelop sakto an utok. Hinuon bisan sa rason na tagpahayag nan amu na tambayanan,tagkasakit gihapon sa mga hingtundan an pagkamatay sa batan-on na inahan sanan sa nahimugso na bata tungod sa pagtoo na waya maatiman nan sakto an mga hingtungdan na namatay. Kon kahinumdoman na sa milabay isab na tuig an amo na tambayanan an gireklamo isab tungod sa pagkamatay nan isa ka bag-ong nahimugso na bata.( Exclusive Report of RadyoMaN Jerson Fuentes)
