ILOILO CITY – Nagreklamo sa Arevalo PNP ang 25 anyos nga commercial sex worker sa Arevalo matapos ginpugos siya sang 23 anyos nga lalaki.
Ini matapos suno kay Ellen, matapos ang pila ka oras nga pagmani-obra wala gid nagtindog ang kinatawo ni John Lloyd.
Suno kay Ellen, 2 ka tuig na siya nga nagatrabaho bilang sex worker apang bag-o lang siya makasalamuha sang customer nga sa kadugayon wala gid magbangon ang ‘manoy’ ni John Lloyd.
Maggwa na kuntani si Ellen sa kwarto matapos ang isa ka round apang ginpugos ini ni John Lloyd gani nagpangayo ini sang bulig.
Nabatian man ini sang roomboy gani ginbuligan ini nga makareport sa Arevalo PNP.
Sa pihak sang natabo, plano sa gihapon sang babaye nga kuhaon ang 800 nga rate niya sa lalaki bangod wala pa ini makabayad.
