Look! Mga Recoveries sa balay sang isa ka-Negosyente sa banwa sang Miag-ao,Iloilo

Narecover ang madamu nga mga armas luthang sa panimalay ni Alex Nolada, isa ka-negosyante sang nasambit nga lugar.

Ginpahayag ni PCI Norlan Perante sang Miag-ao PNP, pasado las 4 sini gid lang nga hapon sang ginserbe sang Provincial Drug Enforcement Unit (PDEU) sa pagpamuno ni PCI Jonathan Pinuela ang Search warrant batuk kay Nolada.

Suno kay Perante, wala man sang kaangtanan ang nasambit nga negosyante sa ilegal nga droga apang kilala ini nga nagahupot sang ilegal nga mga armas luthang.

Dugang pa Perante, lehitimo nga negosyante si Alex Nolada kun sa diin pila sa mga ginapanag-iyahan sini ang Lotto outlet, Gasolinahan kag bodiga sang bugas sa banwa sang Miag-ao.

Sa karon, natalana nga pagapasakaan sang kaso si Nolada.