Nagdisplay na nan mga kandila sanan buyak an mga tindahan na suod sa sementeryo sa syudad. Sumaya pa sa mga sari sari store owners sa capitolyo na dayan sanan sa entrance na bahin sa sementeryo na sajo ra an ila pagdisplay kuman sa mga kandila tungod kay jauy gajud sajo na mobisita sa ila mga mahal sa kinabuhi sanan dili na modungan sa adlaw nan kalag kalag sa Novembre uno sanan dos.Gawas sa mga kandila na ila tagdisplay , may mga buyak isab an ila tagbaligya para sajon sa publiko an pagpili sanan pagdaya nan ini sa ila pagsuyod sa sementeryo.Matag tuig , kada selebrasyon sa Pista sa Patay amoy isab pagdagsang sa mga vendors o manindahay duol sa sementeryo kay modako an ila kita labina sa duha ka adlaw na pagbisita nan mga tawo sa Nov.1 sanan2 . Gawas sa tinda na kandila sanan buyak , may mga pagkaon isab na tinda an mga manindahay. Mokita isab utro an mga lapida maker matag selebrasyon sa Undas tungod kay arang an magpahimo utro nan lapida para mabag-o an karaan na mga lapida sa ila mga mahal sa kinabuhi na mihalin na.(RadyoMaN Jerson Fuentes)
