LOOK: Sa mabukid nga bahin nga ini sang Cuartero, Capiz, nagluntad ang engkuwentro sa tunga sang Philippine Army kag NPA

Sa mabukid nga bahin nga ini sang Cuartero, Capiz, nagluntad ang engkuwentro sa tunga sang Philippine Army kag NPA kahapon sang hapon, kun sa diin napatay ang sanday Federico Diaz alyas Ka Val sang Brgy. Mahabang Sapa, Cuartero, Capiz, Felizardo Lumawod Cerilo alyas Ka Bong, residente sang Brgy. Pinay, Mambusao, Capiz at Ka Remie Berayi sang Brgy. Baldoza, Lapaz, Iloilo City.
Nag-angkon san madamo nga igo sang bala sa ulo kag nagkalain-lain nga bahin sang lawas ang mga napatay nga rebelde. Suno sa militar na-recover sa ginluntaran sang sang engkuwentro ang duha ka mga armas luthang nga Ak 47 kag m16 rifle, isa granada, mga magazine kag madamo nga bala.
Ginpahayag nga ang mga napatay nga rebelde, lunsay mga opisyal sa idalum sang Nonito Aguirre, Sr. Command sang New People’s Army – Eastern Panay. Madugay na nga ginabantayan sang militar ang grupo ni Ka Val, antes ginkasa ang operasyon batuk sa nasambit nga grupo. Wala man sang may gin-report nga napatay ukon napilasan sa mga katapo sang Philippine Army.
(c) RadyoMan Jessie LLegue Mendoza