General Santos CIty—hugtanong gihimakak sa suspek nga si Mark Engkong, 22, lumad nga taga Malapatan, Sarangani Province ug temporaryong nanimuyo sa 39.2 FVR Village, Barangay Fatima ning syudad nga siya apil sa milugos ug mipatay sa 8 anyos nga batang babaye nga residenti sa barangay Fatima.
Sumala ni Mark nga wala sya niapil ug lugos ang nasangpit nga biktima inay gihimo ra kining lookout sa 2 niya ka mga kaubanan.
Wala siya makapalag sa mga nahisgutan human nga siya gibaharang patyon kung siya mulakaw samtang ilang gihimo ang krimen. Nasayran nga una nang namissing ang bata mao nga midangop sa buhatan sa Police Station 7 ang ginikanan niini.
Sa pag imbistiga sa lugar, uwahing nakit-an nga ang bata uban ni Mark maong nag duda ang kapulisan.
didto na kini giimbitahan sa buhatan sa Police Station 7 diin miangkon dayon ang suspek nga siya dunay nayran bahin sa nahitabo sa bata, apan wala niya direktang giangkon nga siya may kalabutan niini sanglit ang duha matud pa niini ka amigo maoy responsabli sa krimen. Sa kasamtangan, ginaimbistigahan pa sa kapulisan ang nasampit nga insidenti.
