Nasikop sajo kuman hapon sa mga otoridad an isa sa mga sakop sa tagtuhoang mangilaray na mas popular sa ngayan na Budol-budol. An suspect isa ka Ma. Elezette Rudela Rama 56 anyos na taga Davao City pero sa ija ID card ini naka address na taga Zamboanga City . Nadakpan si Rama human gireklamo sa isa ka biktima na si Mercita Terol Ronda, 54 anyos taga P. Reyes St, brgy. Taft inin syudad. Sumaya sa biktima na ija ini nakilaya bag o pa lamang sanan kasamtangan na tagpahuya sa ila bayay sanan natingaya na lamang sija na sige sija buslan nan kwarta sa pasalig na jauy ija mga cheke na waya pa masinsilyuhi rason na nagduda sija sanan gireport sa kapolisan. Sa pagresponde sa mga polis nakita an gamit sa suspect na may mga tagbundle na mga papel na amoy taglaong na konuhay cheke. Sa pagkakuman jaun na sa prisohan an suspect sanan gikatakda na kasohan.Gipanawagan isab kuman sa mga otoridad jadton nabiktima sa Budolbudol na mobisita sa ila opisina kay para matan aw an suspect kày basin ini an nakabiktima sa ila.(RadyoMaN Jerson Fuentes)
