Pilar, Capiz – Padayon pa nga gina-imbestigahan ang Pilar PNP ang gina-alegar nga pagpanghold-up sa isa ka lending collector sa Barangay Rosario, Pilar, Capiz kagab-i. Naglab-ot sa kapin sa P30,000 ang nataban sang mga kawatan sa biktima nga ginkilala kay Eunice Fuentes, 23-anyos kag lending collector sang Taytay sa Kauswagan.
Suno sa biktima, sakay ini sa motorsiklo sang iya mister agud nga magpauli sang nagluntad ang insidente. Ginpahayag sini nga natalupangdan nila nga may nagasunod sa ila nga motorsiklo sakay ang duha ka mga lalaki nga naka-bonet. Gin-agaw sang isa sa mga suspek ang iya nga bag nga may unod nga kwarta kag cellphone.
Wala na mapunggan pa sang mga biktima ang mga suspek bangud may gina-uyatan ini nga armas luthang nga nakatutok sa ila. Madasig naman nga nagpalagyp ang mga suspek matapos nga makumiter ang krimen.
