Dumarao, Capiz- Duha ka mga persona ang ginserbehan sang search warrant bangud sa paghupot sang armasluthang sa Brgy. Sitio Manlud, Brgy. Sagrada Familia, Dumarao, Capiz.
Pinaage sa gintingub nga pwersa sang Regional Intelligence Division, Regional Mobile Force Battalion 6, Dumarao Police Station kag Provincial Mobile Force Company, alas 6:20 sang aga gin-implementar ang search warrant bangud sa bayolasyon sa PD 1866 as amended by RA 10591 kontra sa 43-anyos nga si Kapitan Noel Sudayan y Gobak sang nasambitan nga barangay.
Narekober diri ang isa ka isa ka unit sang Caliber .45 pistol nga may serial number, isa ka magazine kag anum ka mga bala.
Samtang dakop man ang 37-anyos nga si Romel Bagaforo y Dela Cruz sang Sitio Mahanlod, Brgy. Sagrada Familia, Dumarao kun sa diin narekober sa panimalay sini ang isa ka unit sang single shot homemade shotgun nga may apat ka mga bala.
Ang amu nga mga persona ang magapangatubang sang kasu nga paglapas sa RA 10591 ukon “COMPREHENSIVE FIREARMS AND AMMUNITION REGULATION ACT”.
