Pormal na nga gi-anunsyo ni Defense Sec. Delfin Lorenzana ang pagkaluwas kun pag-rescue kang Fr. Teresito ‘Chito’ Suganob kinsa naluwas sa atong kasundaluhan gikan sa kamot sa Maute terror group sa dihang nagsinukli-ay ug bala ang duruha ka mga panig.
Sa usa ka news conference, gibatbat ni Lorenzana ang timeline sa operasyon sa militar ug mga kaalyados niini gikan sa pagpaningkamot sa mga tinugyanan sa balaud nga ma-rescue ang tanang mga sibilyan kinsa gi-hostage sa bandidong grupo kinsa nisakop sa Marawi City.
Matud sa kalihim, samtang nagbinakbakay ang kasundaluhan ug mga terorista, nakahimo sa pagsakmit ang mga awtoridad kang Fr. Chito Sugano ug usaka magtutudlo Sa MSU Marawi.
Gibatbat sa kalihim nga mototal na sa 673 ka mga Mautes napatay mientras anaa na lamang sa 10 ektariyas ang luna nga gitagoan karon sa bandidong hut-ong.
RadyoMan June Duterte
