Lotto outlet ta accepta illegal tayada?

Maga pulis del Sta. Maria Police Station ya man raid na un lotto outlet despues ya decubri ta colecta tayada y ta entrega na illegal operator, na Veterans Avenue Extension na Sta, Maria del Miercoles por la noche.
Na report ya recivi el RMN Zamboanga, ya tene que conduci sorpresa el maga pulis del Sta. Maria na lotto outlet ta dwenia si Felix Manuel.
Durante el inspection na mencionao outlet, ya puede encontra maga pulis otro machine donde ta rehistra maga illegal tayada fuera con el lehitimo machine del PCSO.
Ya recobri maga pulis cuantos paraphernalia del illegal machine y el mas de P1,000 cen del tayada.
Fuera con este, ya aresta tambien el maga pulis con el teller si Irish Francisco, 22, aniois de edad y native de Zamboanga Sibugay, pero el operator si Manuel nohay mas abuya hasta ya lleva con el teller na fiscalia para na inquest proceeding.
Si Francisco y si Manuel ay enfrenta caso del violacion del PD 1602 o el illegal gambling law.