Formalmente ya planta ya caso na corte este dia el familia di Private First Class Jerry Arasain Y Hadil contra con el desde companyero si Private First Class Arkim Julain y Unain quien responsable ya tira con Arasain del Sabado semana pasao na barangay Masola, ciudad de Isabela.
Na report di RadyoMaN Richard Falcatan, Asegun con SPO1 Baltazar Pundal investigador del caso, Murder el kaso ya planta na corte el familia contra con el suspechao.
Si ta akorda ustedes pasao alas 4 del madrogada del domingo pasao mientras ta esta durmido el victima si Arasain na su detachment, derecho ya supla kuneste de tiro si Julain usando el M16.
Ya sustene maga fatal tupada na diferentes parte del cuerpo y amo ya causa el derepente muerte del victima.
Love triangle el posible motivo del crimen asegun con el policia.
Con el suspechao ya entrega ya este tarde para na Isabela City Jai l.
Mientrastanto el Special Forces na Basilan ta esta silencio sobre coneste incidente.
