Nagresulta sa trahedya ang lovers’ quarrel sang yaya kag ex-boyfriend sini sa Suralla, South Cotabato.
Ini matapos ginbuno sang ex-boyfriend sang yaya ang duha ka mga kabataan gamit ang kitchen knife.
Ang suspek ginkilala kay George Judilla, former live-in partner ni Ellen Labatos nga amo ang yaya sang 4 ka tuig kag 10 ka bulan nga mga kabataan.
Santu sa imbestigasyon sang kapulisan, ang tatay sang bata nga isa ka pastor kag ang iloy nga isa ka maestra lunsay ara sa trabaho sang natabo ang insidente.
Santu sa report, nagsabtanay kag naghabuyanay sang malain nga tinaga si Judilla kag Labatos antes ang insidente.
Sang nag-abot si Judilla sa balay nga ginatrabahu-an ni Labatos, posible na-akig ini sang wala niya nakita ang ex gani ginbuno niya ang mga bata. Matapos sini, iya man nga ginbuno ang iya kaugalingon.
Posible indi mabaton ni Judilla nga ginbulagan siya ni Labatos bangod may bag-o na ini nga ginahigugma.
Pagpangimon ang ginatudlo nga motibo sang krimen.
Ginhingagaw pa dala sa ospital ang mga kabataan apang ginbawian ini snag kabuhi.
Santu sa pinaka-ulihi nga imbestigasyon sang Surallah PNP, naka-angkon man sang patal nga pilas ang suspek kag ginbawian man sang kabuhi bangod sang multiple self-inflicted stab wounds.
Padayon pa ang imbestigasyon snag otoridad angot sa insidente.
Photo from web
