General Santos City–Parti matud pa sa internal cleansing ang gipakanaog karon ni Police Lieutenant Genereal Archie Gamboa ang officer in charge sa Philippine National Police nga gikinahanglang masakmit sa mga pulis ang ilahang BMI kon Body Mass Index.
Sumala pa ni Police Major Rexor Canoy ang tigpamaba sa GSCPO nga mao matud pa kini ang usa sa gitutukan sa ilahang labaw tungod nakita niini nga daghang mga pulis na ang nagapatuyang sa ilahang timbang.
Alang man usab kay Major Canoy nga isip usa ka maayo nga pulis gikinahanglan matud pa nila mosunod sa unsa mang imando ngadto kanila nga walay daghang panguntana.
Nagtuo usab si Canoy nga ang gihimo ni General Gamboa ang para usab sa kaayuhan sa kinatibuk-ang organisasyon sa PNP tungod kay sila matud pa ang gisaligan sa katawhan nga magbantay sa kahapsay ug kalinaw sa usa ka syudad hinunungdan nga gikinahanglan nila nga mamahimong fit ang ilahang panglawas aron malikay usab sa daghang balatian.
Gikabutyag man usab ni Major Canoy nga sa GSCPO daghang gayud ang ma-apektohan niini tungod kay daghan pa ang over weight nga mga pulis sa syudad hinungdan nga ug gusto nila magpapromote o mag schooling gikinahanglan nila nga ma meet ang requirements.(Dave Silagan)
