MALACAÑANG, Philippines – Ginbulgar sang Malacañang nga pila ka grupo kag personalidad ay yara sa likod sang ‘Bikoy’ video para gub-on ang Duterte administration.
Sa press briefing sa Malacañang, ginsiling ni Presidential spokesman Salvador Panelo nga lakip sa mga yara sa likod sang black propaganda batuk sa Duterte administration amo ang Liberal Party (LP), Dilawan, Magdalo kag iban nga mga media personalities.
Suno kay Panelo, wala labot sa pagguba sa administrasyon, tinutuyo man sang propaganda nga iduso ang kandidatura sang mga senatorial candidates sang Otso Diretso.
Diri kag nagpagwa sang diagram si Panelo kaupod si Communications Sec. Martin Andanar sa mga grupo kag personalidad nga nagaplano sang black propaganda batuk sa administrasyon.
Lakip sa mga pangalan nga naggwa amo sanday Sen. Antonio Trillanes III, publisher nga si Ellen Tordesillas, anay Presidential spokesman Edwin Lacierda, Cocoy Dayawo, Communist Party of the Philippines-New People’s Army founding Chairman Joma Sison, Bong Banal, Arman Potejos kag si Rodel Jayme nga una na nga gindakup sang National Bureau of Investigation.
Ang nasambit nga impormasyon ang nabatunan mismo sang Office of the President kag nag-agi sa beripikasyon.
Gin-aku man ni Panelo nga wala sila sang impormasyon nga may military component ukon suporta sang militar sa conspiracy batuk sa Duterte administration.
Sa karon wala pa sang plano ang Palasyo nga pasakaan sang kaso ang mga nasambit nga indibidwal. /IFM NEWSROOM/RCSG
