Nagpanindugan ang Malakanyang nga nagahimbunanay ang Communist Party of the Philippines – New People’s Army (CPP-NPA), pila ka opisyal sang Liberal Party (LP) kag Magdalo group ni Sen. Antonio Trillanes IV sa “Red October” ouster plot kontra kay Presidente Rodrigo Duterte.
Ini ang pahayag ni Presidential Spokesperson Harry Roque sa pihak sang pahayag sang Department of National Defense (DND) kag ni AFP Chief of Staff Gen. Carlito Galvez Jr. nga indi matuod ang report nga may kahilabtanan si Trillanes kag ang mga oposisyon sa ouster plot kontra kay Duterte.
Suno kay Roque, madugay na nga ginahambal ni Trillane snga luyag sini nga pahalinon si Duterte sa pwesto gani nagapati sila nga involve sa ouster plot ang senador.
Pahayag ni Roque, bisan wala sang ebidensya ang AFP, hugot ang ila pagpati nga involve si Trillanes.
Ginpanginwala man sang Malakanyang nga may “inconsistency” sa pahayag ni presidnete Rodrigo Duterte subong nga ginpahayag sang AFP Chief nga indi involve ang oposisyon sa “Red October” ouster plot.
Photo from web
