Didto sa lungsod sa Sindangan adunay pagdahili sa yuta ug pagka tumba sa mga punoan sa kahoy sa dalang nasyunal sa Guisokan Doña Josefa, nga nakabalda sa byahe sa motorista.
Sa lungsod sa Polanco, partikular sa may barangay Sianib miawas sa dalan ang tubig ug nadanyos ang kamaisan ug humayan sa mga mag-uuma samtang sa Sitio Tulan brgy. De Venta Perla tungod sa kakusog sa ulan na inas ang kilid bukid ug miatang sa dalan ang dagkong bato ug yuta nga dili usab maka agi ang mga sakyanan.
Sa lungsod sa Piñan, maayong pagka hunlak ug nakankan ang gkilid sa tulay didto sa Brgy. Lapu-lapu hinungdan nga maglisod ug agi ang dagkong sakyanan.
Matod pa sa mga nakasaksi sa wala pa naguba ang tulay, gilapawan kini sa taas nga tubig, hinuon walay gikatahong casualty sa kusog nga bul-og sa tubig.
Sa lungsod sa Katipunan apektado ang mga residente duol sa Dicayo river lakip na sa may brgy. Dos, Seroan, ug Siparok nga pulos sakop sa lungsod.
Dali nga mihiklin ang mga tawo padulong sa luwas nga lugar human gimando sa taga MDRRMO.
Sa lungsod sa Roxas, gibaha usab ang dalang nasyunal sa brgy. Nabilid padulong sa tulay sa brgy. Piao, lakip ang tulay sa brgy. Langatian ug brgy. Lower Irasan duol sa Petra Cement, wala usab gikataho nga casualty sa lugar.
Sa lungsod sa Manukan, milapaw ang tubig sa may Upper Disakan nga kung diin ubay-ubay nga mga residente ang giabot sa tubig-baha.
Nanga guba usab ang pipila ka panimalay nga ana kilid sa baybayon.
Samtang sa lungsod sa Salug, adunay usa ka indibidwal ang nalumos nga si Rosso Guingona, taga brgy. Dinuan, Salug.
Matod pa nga gianod siya sa kusog nga bul-og sa tubig samtang mitabok sa suba padulong unat sa Brgy. Mucas.
Sa pagkakaron, wala pa makita ang lawas sa biktima sukad nga naanod.
Samtang ang syudad sa Dipolog ug dapitan apil nga naapektuhan sa pagtaas sa tubig may kalabutan lang gihapon sa walay hunong nga ulan sa miaging adlaw nga dala sa LPA.
Mismo ang mga pulis sa matag lungsod uban ang mga taga disaster team sa mga LGU ug mga bombero ang mitabang sa mga residente sa pagpa hiklin.
