General Santos City– Gipaklaro ni Atty. Arnel Zapatos, City Administrator ning dakbayan nga adunay usa ka LSI nga nagpositibo ang nakasulod sa bar.
Pagpaklaro niya nga ang nasangpit nga LSI kon Locally Stranded Individual ang nauna ng natugutang makapauli gumikan natapos na niya ang 14 ka-adlaw nga quarantine period rason nga kini nakasulod sa usa ka bar.
Nauna na usab kining nagnegatibo sa gihimong rapid test, apan aduna kini kauban sa byahe nga nagpositibo sa covid rason nga nagpahigayon ug back tracing ug naapil ang nahisgutan ug nasuta pa nga nagpositbo kini sa gihimong swab testing kung asa gikonsidera kining asymptomatic.
Dugang pamahayag ni Atty. Zapatos sa karon aduna nay 60 katao ang napa-ilalom sa contact tracing ug dili matud muhunong sa maong ihap ang himuong pagpangita sa mga adunay direktang kontak niini.
Mando matud pa ni Gensan City Mayor Ronnel Rivera nga sama sa gihimo kay PH 3669, hangtud 4th level ang himuong contract tracing aron nga masigurong walay local transmission nga matala.
Samtang gi-angkon ni Atty. Zapatos nga igo lang silang nagatuman sa mando sa national IATF rason nga pabag-o bag-o ang ilahang mga implementasyon. apan sa karon tanang asymptomatic ang ginapa-ilalom na sa swab testing dili sama kaniadto nga repid test lang ang ginahimo.(LVR)
